Azadmedia.az ⁷BMT-nin Xəbərlər Mərkəzinə istinadən xəbər verir ki, BMT Baş Assambleyası İsraildən qoşunlarını işğal olunmuş Fələstin ərazilərindən çıxarmağı tələb edən qətnamə qəbul edib.

Fələstin Dövlətinin onlarla başqa ölkə ilə həmmüəllifliyi ilə təklif etdiyi qətnamənin lehinə 124 nümayəndə heyəti səs verib. 43 ölkə bitərəf qalıb, 14-ü isə əleyhinə çıxış edib.

Qətnamədə İsrailin işğal olunmuş Fələstin ərazilərində, o cümlədən Şərqi Qüdsdəki siyasət və hərəkətlərinin hüquqi nəticələri ilə bağlı Beynəlxalq Ədalət Məhkəməsinin Məşvərət Rəyinə istinad edərək, İsraildən “işğal olunmuş Fələstin ərazisində qanunsuz mövcudluğuna dərhal son qoyması tələb olunur. " Sənəddə son tarixlər də göstərilib.

O, çərşənbə günü BMT Baş Assambleyasının Yaxın Şərq münaqişəsi üzrə 10-cu xüsusi sessiyası zamanı qəbul edilib. Xatırladaq ki, sessiya çərşənbə axşamı, sentyabrın 17-də öz işini davam etdirib.