Birincisi, Azərbaycanın Ermənistan Konstitusiyası ilə bağlı narahatlığının nə qədər səmimi olduğunu anlamaq lazımdır. Ermənistanın xarici işlər naziri Ararat Mirzoyan aprelin 16-da Yerevanda Sloveniyanın xarici işlər naziri Tanya Fajonla birgə mətbuat konfransında belə deyib.

Dünən və bu gün səhər baş nazirin səsləndirdiyi fikirləri təkrarlayan Mirzoyan qeyd edib ki, əgər Bakı sülh sazişinin imzalanmasını gecikdirmək üçün bu cür hərəkət edirsə, bu bir şeydir, amma narahatlıqlar səmimidirsə, deməli vəziyyət başqadır.

Nazir vurğulayıb ki, Ermənistan Konstitusiyasında ərazi iddiaları yoxdur ki, bu da Konstitusiya Məhkəməsinin demarkasiya üzrə ER və NA komissiyalarının reqlamentlərinin uyğunluğu ilə bağlı ötənilki qərarını təsdiqləyir və xatırladıb ki, reqlamentdə Almatı protokoluna və SSRİ-nin süqutu zamanı mövcud olan sərhədlərlə bağlı müddəalara istinad var.
Mirzoyanın sözlərinə görə, bununla da məsələ bağlanıb. Eyni zamanda, o xatırladıb ki, sülh sazişi ratifikasiyadan sonra Konstitusiya Məhkəməsi tərəfindən yoxlanılacaq. Nazir xüsusilə qeyd edib ki, “təbii ki, biz Konstitusiya Məhkəməsinə təzyiq edə bilmərik”, lakin məhkəmənin qərarının müsbət olacağını ehtimal edib.

XİN rəhbəri, həmçinin xatırladıb ki, Ermənistanın da Azərbaycan konstitusiyasının məzmunu ilə bağlı narahatlığı var, lakin biz hesab edirik ki, əgər bizim halda məsələ qapalıdırsa, onların məsələsində də belədir”, - deyə Mirzoyan dövlətlərarası sənədin daxili qanunvericilikdən üstünlüyünə toxunaraq bildirib.

O, həmçinin xatırladıb ki, konstitusiya islahatları ideyası Ermənistan Respublikasında bir neçə il əvvəl yaranıb. O xatırladıb ki, bu, dövlətin daxili məsələsi, eyni zamanda, onun simasıdır. Yəni Ermənistan hakimiyyəti Konstitusiyaya dəyişiklik etməyi düşünür, amma ona görə yox ki, Azərbaycanın tələblərini haqlı hesab edir.