Rusiya prezidentinin mətbuat katibi Dmitri Peskov Qazaxıstanın sanksiyalardan yayınma ilə mübarizə sistemini tətbiq etməsini ABŞ-ın təzyiqi ilə izah edib. Azadmedia.az xəbər verir ki, bu barədə o, jurnalistlərə məlumat verib.

Onun sözlərinə görə, Qərb dövlətləri “ölkəmizə qarşı qeyri-qanuni məhdudiyyətlərə qoşulmayan” bir sıra dövlətlərə təzyiqlər edir.

“Bu, bizim və bu dövlətlərin diqqətini tələb edir. Biz riskləri minimuma endirmək üçün tərəfdaşlarla sıx əlaqələri davam etdiririk”, - deyə o bildirib.

Peskov daha əvvəl bildirilmişdi ki, Qazaxıstan aprel ayından Rusiyaya tədarüklərə görə Qərbin sanksiyalarından yayınma ilə mübarizə sistemi tətbiq edəcək.

Beləliklə, Qazaxıstan paralel idxal sistemi vasitəsilə Rusiyaya sanksiyalardan yan keçməyə kömək etmədiyini Qərb ölkələrinə nümayiş etdirmək istəyir.

Portalın məlumatına görə, Astana Rusiya ilə ticarəti məhdudlaşdırmağı planlaşdırmır, eyni zamanda sanksiyalar riskini də götürmək niyyətində deyil.

Həmçinin bildirilirdi ki, son həftələr Rusiya şirkətləri qazaxıstanlı tərəfdaşlarından Qərb sanksiyalarından yan keçmək və lazımi malları idxal etməkdə kömək istəməkdə fəallaşıblar.