Pakistanın baş naziri Məhəmməd Şahbaz Şərif çərşənbə günü Azərbaycana rəsmi səfərə gəlib.

Bundan əvvəl bildirilmişdi ki, Pakistanın baş naziri iyunun 14-15-də Azərbaycana səfər edəcək.

Səfər zamanı baş naziri Azərbaycanla əməkdaşlığın prioritet sahələrini təmsil edən nazirlər müşayiət edir.

Baş nazir ticarət, investisiya və enerji də daxil olmaqla əməkdaşlığın əsas istiqamətləri üzrə geniş danışıqlar aparacaq. Çoxtərəfli forumlarda qarşılıqlı maraq doğuran regional və qlobal məsələlər və əməkdaşlıq da müzakirə olunacaq.

Xatırladaq ki, Şehbaz Şərif aprelin 11-də Pakistanın yeni baş naziri olub. O, parlamentin aşağı palatası tərəfindən o vaxtkı baş nazir İmran Xana etimadsızlıq səsverməsindən sonra seçilib.