Masallı Rayon Statistika İdarəsindən verilən məlumatda bildirilir ki, Masallı rayonunda 01 yanvar 2025-ci il vəziyyətinə 2312 doğulan körpə qeydə alınmış və əvvəlki illə müqayisədə əhalinin hər 1000 nəfərinə bu göstərici azalaraq 11,3-dən 10,2-yə düşmüşdür. Uşaqların 693-ü və ya 30,0 faizi qeydə alınmamış nikahdan doğulmuşdur.

Doğulan körpələrin 1262 nəfəri və ya 54,6 faizi oğlan uşaqları, 1050 nəfəri və ya 45,4 faizi isə qız uşaqları olmuşdur. Körpələrin 651 nəfəri şəhər yerlərində, 1661 nəfəri isə kənd yerlərində doğulmuşdur.

0-17 yaşda olan uşaqların sayı 60180 nəfərdir ki, onların da 32338 nəfəri oğlan uşaqları, 27842 nəfəri isə qız uşaqlarıdır.
Yaş qrupları:
0-4 yaş: 12785 nəfər
5-9 yaş: 15723 nəfər
10-14 yaş: 19457 nəfər
15-17 yaş: 12215 nəfər

Təhsil göstəriciləri:

İlkin məlumatlara əsasən, 2025-ci ilin əvvəlinə rayonda fəaliyyət göstərən 17 dövlət, 2 qeyri-dövlət məktəbəqədər təhsil müəssisəsində 979 nəfər uşaq tərbiyə alır.

2024/2025-ci tədris ilinin əvvəlinə rayonda 95 dövlət ümumi təhsil müəssisələrində 28643 nəfər şagird təhsil almışdır.

Səhiyyə göstəriciləri:

Bir yaşadək ölən uşaqların sayı 40 nəfər olmuşdur ki, hər 1000 nəfər diri doğulana bu göstərici 17,3 olmuşdur. Bir yaşadək ölən uşaqlar daha çox perinatal dövrdə meydana çıxan bəzi hallardan və tənəffüs sisteminin xəstəliklərindən qeydə alınmışdır.

Qeyd etmək lazımdır ki, 1-iyun Uşaqların Beynəlxalq Müdafiəsi Günü ilə əlaqədar olaraq Masallı Rayon Statistika İdarəsi tərəfindən “Rəqəmlərin işığında uşaqların dünyası” adlı statistik buklet nəşr olunaraq rayonda fəaliyyət göstərən məktəbəqədər təhsil müəssisələrinə təqdim edilmişdir.