Gədəbəy Rayon Statistika İdarəsindən verilən məlumata əsasən 2025-ci ilin yanvar-iyun aylarında 100155,2 min manatlıq və ya 2024-cü ilin müvafiq dövrü ilə müqayisədə 51,2 faiz çox sənaye məhsulu istehsal edilmiş və sənaye xidmətləri göstərilmişdir. Ümumi istehsalın 96,5 faizini sənaye məhsulları istehsalı, 3,5 faizini isə sənaye xidmətləri təşkil etmişdir.

Sənaye məhsulunun 83,5 faizi mədənçıxarma sektorunda, 13,2 faizi emal sektorunda, 3,2 faizi elektrik enerjisi, qaz və buxar istehsalı, bölüşdürülməsi və təchizatı sektorunda, 0,1 faizi isə su təchizatı, tullantıların təmizlənməsi və emalı sektorunda istehsal olunmuşdur.

Qeyri-dövlət sektorunda istehsalın həcmi 2024-cü ilin müvafiq dövrü ilə müqayisədə 3,5 dəfə artaraq 96831,8 min manat və ya sənaye məhsulunun 96,7 faizini təşkil etmişdir.

İstehsal edilmiş sənaye məhsulunun böyük hissəsi istehlakçılara göndərilmiş, əvvəlki dövrlərdə yaranmış ehtiyatlar da nəzərə alınmaqla sənaye müəssisələrinin anbarlarında 01 iyul 2025-ci il vəziyyətinə 11605,7 min manatlıq hazır məhsul olmuşdur.

Mədənçıxarma sənayesində istehsalın ümumi dəyəri 83651,6 min manat olmaqla, əvvəlki ilin müvafiq dövrünə nisbətən 3,2 dəfə artmışdır. Sahənin əsas məhsulu olan metal filizlərin hasilatı 1189,6 ton təşkil etmişdir. Metal filizlərin hasilatı əvvəlki ilin müvafiq dövrü ilə müqayisədə 3,2 dəfə artmışdır.

Emal sektorunun 2025-ci ilin yanvar-iyun aylarında 13180,2 milyon manatlıq məhsul istehsal olunmuş və sənaye xarakterli xidmətlər göstərilmişdir. Rayon üzrə məhsul istehsalının ümumi həcmində 13,2 faiz təşkil etmiş və 2024-cü ilin müvafiq dövrünə nisbətən 86,6 faiz artmışdır. İçki məhsullarının istehsalı əvvəlki ilin müvafiq dövrünə nisbətən azalaraq 3972,1 min manat olmuş və emal sənayesi sektorunun 30,1 faizini təşkil etmişdir.
Qida məhsullarının istehsalı əvvəlki ilin müvafiq dövrünə nisbətən azalaraq 213,4 min manat olmuşdur.

Elektrik enerjisi, qaz, buxar istehsalı, bölüşdürülməsi və təchizatı bölməsinin müəssisələri tərəfindən 2025-ci il yanvar-iyun aylarında 3168,4 min manatlıq məhsul buraxılmış və xidmətlər göstərilmişdir. Bu göstərici 2024-cü ilin müvafiq dövrü ilə müqayisədə 5,4 faiz artmışdır.

Su təchizatı, tullantıların təmizlənməsi və emalı bölməsinin real həcmi 2024-cü ilin müvafiq dövrü ilə müqayisədə 2,7 faiz artmış və 155,0 min manat təşkil etmişdir.





Gədəbəy Rayon Statistika İdarəsinin rəisi İsmayıl Məmmədov