Masallı Rayon Mədəniyyət Mərkəzinin nəzdində fəaliyyət göstərən rayon Xalq Teatrı qəhəmanlıq ruhunda olan növbəti tamaşasını təqdim edib.

Masallıdan olan Vətən Müharibəsi qazilərinə ithaf edilən "Ruhların qisası" adlı bir pərdəli, üç şəkilli tamaşada teatrın aktyorları ilə yanaşı Masallı Dövlət Regional Kollecinin müəllim və tələbə kollektivi də iştirak edib.

AzadMedia.az xəbər verir ki, "Ruhların qisası" tamaşası yazıçı-publisist Nurəddin Ədiloğlunun “Şəhidlik manifesti” kitabı əsasında hazırlanıb.

Tamaşada qazilərimizin timsalında vətənə, el-obaya bağlılıq, mərdlik kimi ən ali keyfiyyətlər poetik formada, obrazlı şəkildə ifadə edilib.

Tamaşanın rejissoru Cəmaləddin Əliyev, səhnə tərtibatı Elsevər Əliyev, musiqi tərtibatı isə Ruslan Zahidova aiddir.