Masallı rayonu Heydər Əliyev Mərkəzində fəaliyyət göstərən “Rəsm dərnəyi”nin şagirdləri üçün Yeni il şənliyi keçirilib.

İlk öncə “Rəsm dərnəyi”nin müəllimi Lalə Nəzərova uşaqları salamlayaraq, onları qarşıdan gələn Yeni il münasibəti ilə təbrik edib.

Azadmedia.az xəbər verir ki, Rayon Heydər Əliyev Mərkəzinin əməkdaşı Gülcahan Vəkilzadə və 32 saylı filial kitabxananın müdiri Sevanə Mənsimova da öz növbələrində uşaqların Yeni ilini təbrik edib, onlara yeni ildə uğurlar arzulayıblar. Həmçinin G. Vəkilzadə uşaqların maraqlarına toxunan məsələlərdə onların iştirakının təmin edilməsinin vacibliyini qeyd edib.

Daha sonra şagirdlərin alqışları altında yeni ilin sevimli personajı, Şaxta baba şənliyə daxil olub. Şaxta babanın uşaqlarla birlikdə ifa etdikləri bayram əhval-ruhiyyəli mahnılar və rəqslər şənliyi rəngarəng edib.

Sonda Masallı rayon Heydər Əliyev Mərkəzində bayram süfrəsi açılıb.

Qeyd edək ki, bayram tədbiri Azərbaycan Respublikası Prezidentinin 27 noyabr 2020-ci il tarixli Sərəncamı ilə təsdiq edilmiş “Uşaqlara dair Strategiyanın həyata keçirilməsi üzrə 2020-2025-ci illər Fəaliyyət Planı”nına əsasən uşaqların asudə vaxtının səmərəli təşkili məqsədilə keçirilib.