Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə Müharibədən Zərər Çəkmiş Ailələrə Dəstək İctimai Birliyinin həyata keçirdiyi “Müharibədən zərərçəkənlərə psixoloji dəstək” adlı layihə çərçivəsində 23.07.2024- cü il tarixində Tərtər rayonunda 2-ci tədbir keçirildi.

QHT.az xəbər verir ki, tədbir Peşə liseyində keçirilən tədbirdə Müharibədən Zərər Çəkmiş Ailələrə Dəstək İctimai Birliyinin sədri, layihə rəhbəri, Ətrabə Məmmədova, ekspert/psixoloq Aliyə İmanova, Tərtər Rayon İcra Hakimiyyətindən İctimai-siyasi və humanitar məsələlər şöbəsinin müdirinin müavini-dini qurumlarla işin təşkilatçısı Zabil Paşayev, Regional Gender Mərkəzi İB-nin sədri, Miqrasiya Əməkdaşlıq Platformasının üzvü, Qaçqın və Məcburi Köçkünlərin İşləri üzrə Dövlət Komitəsi yanında İctimai Şuranın üzvü Ş.Dadaşova və Tərtər rayonunun Qaynaq, Umudlu, Seydimli, Talış, Şıxarx, Əskipara, Ulu Qabəyli, Ortakənddən olan müharibədən zərər çəkmiş ailələr iştirak etdi.

Layihə rəhbəri Ə.Məmmədova layihə və donor təşkilat haqda ətraflı məlumat verdikdən sonra layihənin məqsədi və gözləntilər barədə məlumat verdi. Ekspert/psixoloq A.İmanova müharibədən zərər çəkmiş insanlara - məcburi köçkün, şəhid, qazi ailələri dövlət qayğısı, qayıdışla bağlı geniş məlumat verdi. Tərtər Rayon İcra Hakimiyyətindən İctimai-siyasi və humanitar məsələlər şöbəsinin müdirinin müavini-dini qurumlarla işin təşkilatçısı Zabil Paşayev müharibədən zərər çəkmiş insanlara İcra hakimiyyəti tərəfindən görülən işlərdən danışdı. Ş.Dadaşova Qayıdışla bağlı məlumat verdi. Sonra mövzu ətrafında müzakirələr oldu və iştirakçılar öz təssüratlarını bölüşdülər.

İştirakçıları maraqlandıran suallar cavablandırıldı və təklifləri dinlənildi. Layihə rəhbəri Ə.Məmmədova tədbirin uğurlu alınmasında dəstəyinə görə Tərtər Rayon İcra hakimiyyətinin başçısı Cənab Müstəqim Məmmədova, İctimai-siyasi və humanitar məsələlər şöbəsinin müdirinin müavini-dini qurumlarla işin təşkilatçısı Zabil Paşayevə, İctimai-siyasi və humanitar məsələlər şöbəsinin Baş məsləhətçisi Rəqsanə Quliyevaya tədbirin keçirilməsində dəstəyinə görə təşəkkür etdi. Iştirakçılardan V.Nərmin, M.Elgün, F.Aygün və digərləri Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə və “Müharibədən Zərər Çəkmiş Ailələrə Dəstək” İctimai Birliyinə təşəkkür etdilər.

Qeyd edək ki, layihə 3 ay müddətində Bərdə və Tərtər rayonlarında həyata keçiriləcək. Hədəf qrupları Tərtər və Bərdə rayonlarıda 16-70 yaş arası əhali - şəhid ailələri, qazilər, veteranlar, ermənilər tərəfindən Bərdəyə raket atilan zaman zərər çəkmiş insanlar qrupudur.