“İnformasiya və Sosial Təşəbbüslərə Dəstək” İctimai Birliyi “Qərbi Azərbaycanla bağlı informasiya mübarizəsi” layihəsinin icrasına başlayıb.

Layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilir.

Təşkilat sədri Cəsarət Hüseynzadə bildirib ki, 5 ay müddətində icra olunacaq bu layihənin əsas məqsədi Qərbi Azərbaycanın tarixi irsi ilə bağlı həqiqətlərin dünya ictimaiyyətinə çatdırılması üçün daha çox resursların yaradılmasıdır.

Layihə çərçivəsində bu istiqamətdə görülən işlərə töhfə vermək məqsədilə Qərbi Azərbaycanın maddi-mədəni abidələrinə dair elektron baza yaradılacaq. Baza Azərbaycan və ingilis dillərində təqdim ediləcək.

Bundan əlavə, Qərbi Azərbaycanın mədəni-tarixi abidələrini əhatə edən videoçarxlar da hazırlanacaq.