Ötən yüzilliyin bəlalarından sayılan narkomaniya təəssüflər olsun ki, 21-ci əsrdə də qlobal problemler sırasında qalmaqdadır.
Narkomaniyaya qarşı mübarizənin əsas məqsədi sağlam mühit və sağlam gələcəkdir.
“Gələcəyimizi birlikdə düşünək, narkomaniyaya yox deyək!" şüarı altında hazırlanmış maarifləndirici tədbirdə Qaradağ rayon polis idarəsinin rəis müavini polkovnik leytenant Yaşar İsayev, YYÇPİT bölməsinin rəisi polis mayoru Namiq Abdullayev, 274 saylı məktəbin direktoru Nəriman Mürsəliyev, Məktəbdənkənar və Sinifdənxaric işlər üzrə direktor müavini Südabə Mədətova və yuxarı sinif şagirdləri iştirak etmişlər.
Tədbirdə narkotiklərin insan orqanizminə məhvedici təsiri, törətdiyi sosial bəlalar, həmçinin narkomanlığın cəmiyyətə və insanların sağlamlığına ziyanı barədə söhbətlər aparılıb.
Sonda şagirdləri maraqlandıran suallar qonaqlar tərəfindən cavablandırılıb.