Bakıda qəza törədən sürücü hadisə yerindən yayınıb. Avtosfer.az-ın məlumatına görə, hadisənin videosu sosial şəbəkədə yayılıb. Belə ki, 10-LA-002 qeydiyyat nişanlı “Lexus” markalı avtomobilin sürücüsü paytaxt küçələrinin biri ilə hərəkət edən zaman yolun sağında dayanan 77-CM-713 qeydiyyat nişanlı “QAZ-31105” markalı avtomobilin yan güzgüsünü vuraraq hadisə yerindən yayınıb.

Qeyd edək ki, “Lexus” markalı avtomobilin sürücüsünün qəzaya səbəb olmasına baxmayaraq, “QAZ” markalı avtomobilin sürücüsü də qaydaları pozub. Qanunvericiliyə görə belə yollarda parklanan avtomobillər arasında minimum 3 metr məsafə olmalıdır. 3 metrdən az məsafə olduqda dayanma-durma qadağandır. Videodan da aydın şəkildə görünür ki, parklanan avtomobillər arasında məsafə 3 metrdən azdır.