Təhsildə inkişaf və innovasiyalar üzrə VI qrant müsabiqəsi çərçivəsində qrant qazanmış “İcma əsaslı məktəbəqədər təhsil qruplarında fəaliyyət göstərən müəllimlər üçün STEAM dərsləri” layihəsinin icra prosesi davam edir.
Layihənin məqsədi: Zaqatala-Balakən rayonları üzrə İcma əsaslı məktəbəqədər təhsil qruplarında fəaliyyət göstərən müəllimlər üçün STEAM təlimlərinin keçirilməsindən ibarətdir.
İcma əsaslı məktəbəqədər təhsil qrupları layihəsində fəaliyyət göstərən müəllimlər tərəfindən 3-4 yaşlı uşaqlar üçün məktəbəqədər təhsil üzrə hər biri 2-2,5 saat olmaqla həftədə 4 dəfə dərslər təşkil olunur. Dərslər yerli və eston mütəxəssislərdən ibarət işçi qrupu tərəfindən hazırlanmış proqram əsasında keçirilir. İcma əsaslı məktəbəqədər təhsil qrupları layihəsində Balakən rayon üzrə 24, Zaqatala rayon üzrə 18 mərkəzdə 34 müəllim fəaliyyət göstərir.
“İcma əsaslı məktəbəqədər təhsil qruplarında fəaliyyət göstərən müəllimlər üçün STEAM dərsləri” layihəsində yalnız Zaqatala və Balakən rayonlarında icma əsaslı məktəbəqədər təhsil qruplarında fəaliyyət göstərən və ilkin qiymətləndirmə imtahanından keçən 15 nəfər müəllim iştirak edilməsi nəzərdə tutulub. 28 noyabr 2022-ci il tarixində Balakən rayon Qazbinə kənd tam orta məktəbində 34 nəfər müəllim üçün ilkin qiymətləndirilmə imtahanı keçirilib. 60 dəqiqə ərzində 25 sual cavablandıran müəllimlərdən 15 nəfər müəllim növbəti mərhələdə iştirak hüququ qazanmışdır. Dərslər Balakən rayon A. Əsgərov adına Qazbinə kənd tam orta məktəbində 1 saat olmaqla yalnız həftəsonları keçirilir.
Layihənin icra müddəti 4 aydır. 3 noyabr 2022-ci il layihənin icra prosesinə başlanılıb, 3 fevral 2022-ci il tarixində layihənin icra prosesi yekunlaşır.
Layihə rəhbəri: A.Əsgərov adına Qazbinə kənd tam orta məktəbin informatika müəllimi və Zaqatala-Balakən rayonları üzrə “İcma əsaslı məktəbəqədər təhsil” koordinatoru Nərmin Həbilova Soltan qızı