Sosial Tədqiqatlar Mərkəzinin İdarə Heyətinin sədri Zahid Oruc İRAM Araşdırmaları Mərkəzinin direktoru Haqqı Uyğuru qəbul edib.
STM-dən Azadmedia.az-a verilən məlumata görə Mərkəz rəhbəri bildirib ki, Azərbaycan dövləti, xalqı bu ağır günlərdə qardaş türk xalqı ilə həmrəydir, onların dərdlərini bölüşür. Azərbaycandan olan xilasedicilər zəlzələ bölgəsində dağıntılar altında qalan insanları xilas edir, Azərbaycan xalqı isə başlatdığı yardım kampaniyaları ilə ağır gündə də qardaş xalqın yanında olduğunu göstərdi.
O bildirdi ki, ölkə başçısının göstərişi ilə başlayan yardım kampaniyaları ümumxalq hərəkatına çevrilib və bu, dünyada heç bir örnəyi olmayan mənəvi-sosial faktdır.
İşgüzar görüşdə iki mərkəz arasında gələcəkdə reallaşdırılması nəzərdə tutulan layihələr müzakirə edilib, əməkdaşlıq üçün müəyyən formatın seçilməsi barədə razılıq əldə edilib.