Sentyabr ayının 18-i və 19-da Dini Qurumlarla İş üzrə Dövlət Komitəsinin tabeliyində Mənəvi Dəyərlərin Təbliği Fondu və yerli icra hakimiyyətlərinin birgə təşkilatçılığı, “Zəfər” Şəhid Ailələrinə Dəstək İctimai Birliyinin dəstəyi ilə Vətən Müharibəsinin başlanılmasının üçüncü ildönümü ilə əlaqədar Beyləqan və Füzuli rayonlarında əziz şəhidlərin xatirəsinə həsr edilmiş “Şəhidlərimizi anırıq” adlı anım tədbirləri keçirilib.
Anım mərasiminlərində Mənəvi Dəyərlərin Təbliği Fondunun icraçı direktoru Mehman İsmayılov, “Zəfər” Şəhid Ailələrinə Dəstək İctimai Birliyinin sədri Sevinc Alızadə, rayon icra hakimiyyətlərinin rəhbər vəzifəli şəxsləri, şəhid ailələri və ictimaiyyət nümayəndələri iştirak ediblər.
Tədbirlərdə şəhidlik zirvəsinə ucalan qəhrəmanlarımızın hər bir gənc üçün nümunə olduğu, Ali Baş Komandan cənab İlham Əliyevin rəhbərliyi ilə dövlətimizin günü-gündən gücləndiyi, vətənpərvərlik möhkəmləndirilməsinin vacibliyi diqqətə çatdırılıb. Anım mərasimlərində şəhidlərin ruhuna ithafən Qurani-Kərim tilavət edilib, dualar oxunub və ehsan süfrəsi açılıb.