“Bizim şəhər”Sumqayıt Sosial İnkişaf Mərkəzi İB Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Sumqayıt orta məktəblərində Vətən müharibəsindəki qələbəmizin təbliği ilə bağlı maarifləndirmə işinin dəstəklənməsi” layihəsini həyata keçirir.

Bu barədə birliyin sədri və layihə rəhbəri Mətanət Zeynalova məlumat verib. Onun sözlərinə görə, layihənin 4-cü ayı Sumqayıt şəhər İsmət Qayıbov adına 1№-li tam orta məktəbində 13 oktyabr 2023-cü ildə mədəni tədbir keçirildi.



Tədbiri “Bizim şəhər” Sumqayıt Sosial İnkişaf Mərkəzi İB-nin sədri Mətanət Zeynalova giriş sözü ilə açdı. O, II Vətən müharibəsindəki Milli Ordumuzun qəhrəmanlığı sahəsində Qələbə çaldığımızı qeyd etdi.Şəhidlərimiz bir dəqiqə sükutla anıldı.
Ulu Öndər Heydər Əliyev ”Xalqın,Vətənin taleyi hər bir insanın taleyinə çevrilməlidir !” devizi altında tədbirdə 1-ci sinif şagirdlərindən ibarət xor kollektivi, sözləri Teymur Elçin,musiqisi Oktay Zülfüqarov “Gözəl Vətən” mahnısını ifa etdilər.
Vətənə aid şeirləri 3-cü sinif şagirdləri Bəylərov Bəyazid,Dadaşova Zeynəb və Abbasov Ramal təqdim etdilər.6-cı sinif şagirdi Nuray Şahsuvarlı sözləri V.Hüseynova,musiqisi Ələkbər Tağıyevə aid “Azərbaycan qızıyam” mahnısını oxudu. 2-ci sinif şagirdi Fərman Əzizov sözləri Sədaqət Əhmədova,musiqisi Emin Sabitoğlu “Azərbaycan”mahnısı ilə tədbirdə böyük alqışlarla qarşılandı.Tədbirin sonunda fəal iştirakçılar H.Əliyevin şəkli olan döş nişanı,Azərbaycan Xəritəsi və Bayrağı ilə təltif olundular.