Oktyabr 17-18 tarixlərində "Muğan düzü" Sosial İnkişaf İctimai Birliyinin həyata keçirdiyi "Aran iqtisadi rayonlarında kiçik sahibkarlıq subyektlərinin inkişaf etdirilməsində özünəməşğulluq proqramına dəstək və maarifləndirmə tədbirlərinin təşkili" layihəsi çərçivəsində İmişli şəhərində Dövlət Aqrar İnkişaf Mərkəzində seminar keçirilib.

Birlikdən QHT.az-a verilən məlumata görə, layihə Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə təşkil olunur. Seminarda 20 nəfər iştirak edib. Layihə rəhbəri Asif Quliyev iştirakçılara layihənin donoru haqqında geniş məlumat verib. A.Quliyev bildirib ki, layihə maddi vəziyyəti aşağı olan, məşğulluğu olmayan, yararlı torpaq payı olanlar, istehsal və xidmət üzrə işaxtaranlar, imtiyazlı şəxslər özünəməşğulluq proqramından faydalanmalarına, onlara bu layihədən irəli gələn imkanlardan yararlanmalarını və maariflənmələrinə dəstək verilməsini nəzərdə tutur.

Təşkilat rəhbəri Vidadi Quliyev və layihə eksperti Xəlil Süleymanov, layihə rəhbəri Asif Quliyev tərəfindən iştirakçıların sualları ətraflı cavablandırılıb. Sonda iştirakçılar layihənin region üçün aktual olduğunu vurğulayıblar və yeni təkliflər verərək bu kimi layihələrin daha geniş ərazidə davamlı təşkil edilməsinin zəruri olduğunu bildiriblər.

Tədbirin sonunda layihə heyəti Azərbaycan Respublikası Qeyri-Hökumət Təşkilatlarına Dövlət Dəstəyi Agentliyi, İmişli Rayon İcra Hakimiyyətinə, İmişli Dövlət Aqrar İnkişaf Mərkəzinin rəhbərliyinə bizə bu şəraiti yaratdıqlarına görə təşəkkürlərimizi bildirdik. Tədbirdən foto və video çəkilişlər aparılıb.