19 oktyabr 2023-cü il tarixində Sumqayıt şəhər 23 saylı tam orta məktəbdə Ulu Öndər Heydər Əliyev ”Xalqın,Vətənin taleyi hər bir insanın taleyinə çevrilməlidir !” devizi altında tədbir keçirildi.
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Bizim Şəhər” Sumqayıt Sosial İnkişaf Mərkəzi İctimai Birliyi “Sumqayıt orta məktəblərində Vətən müharibəsindəki qələbəmizin təbliği ilə bağlı maarifləndirmə işinin dəstəklənməsi” layihəsi çərçivəsində Sumqayıt şəhər 23 №-li tam orta məktəbdə Ulu Öndər Heydər Əliyev ”Xalqın,Vətənin taleyi hər bir insanın taleyinə çevrilməlidir !” tədbirini təşkil etdi.
Tədbiri giriş sözü ilə Birliyin sədri, layihə rəhbəri Mətanət Zeynaolova açaraq iştirakçıları salamladı və o, II Vətən müharibəsindəki Milli Ordumuzun qəhrəmanlığı sahəsində Qələbə çaldığımızı qeyd etdi.Şəhidlərimiz bir dəqiqə sükutla anıldı.Bu məktəbin məzunları Murad Məmmədov, Elçin Cəbrayılov və Vüsal Allahverdiyev şəhidlik zirvəsinə ucalmışdılar .
Tədbirdə Vətənə,şəhidlərə aid şeirləri 8-ci sinif şagirdləri Bayramov Əli,Babayev Yusif,Mürsəlli Kərim,Alyarov Raul və Abdullazadə Ayaz təqdim etdilər. Azərbaycana aid şeirləri 7-cı sinif şagirdləri Mürsəlli Aydan,Rzazadə Fidan,Sultanlı Selcan və 8-ci sinif şagirdi Ağalı Aydan təqdim etdi.Musiqisi və sözləri məktəbin musiqi müəlliməsi Maya Yaradanquliyevaya aid General-mayor Polad Həşimova həsr olunmuş mahnını xor kollektivi ifa etdi.Tədbirin sonunda fəal iştirakçılar H.Əliyevin şəkli olan döş nişanı,Azərbaycan Xəritəsi və Bayrağı ilə təltif olundular.