“Turizmin İnkişafına Kömək” İctimai Birliyi “Şəkərsiz həyat – diabetlə mübarizə” adlı layihə çərçivəsində maarifləndirmə tədbirləri həyata keçirib.

Birlikdən verilən məlumata əsasən, layihə Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilir. Layihə Azərbaycan Respublikası Səhiyyə Nazirliyinin 2 nömrəli Bakı Baza Tibb kollecində təşkil edilib. Layihənin əsas məqsəd və vəzifəsi şəkərli diabet haqqında maarifləndirmə işləri apararaq, əhali arasında bu xəstəlik haqqında bilikləri gənclərə aşılamaqdır.

Qeyd edək ki, tədbirlərdə gənclərə hədiyyələr və buketlər təqdim olundu. Layihə çərçivəsində 5 qrup olmaqla 100 nəfər gənc maarifləndirildi.