Ağstafa-Bakı qatarı texniki səbəbdən yolda qalıb. Azadmedia.az xəbər verir ki, məlumatı sürət qatarının sərnişini Nəriman Zeynal şəxsi facebook səhifəsində yayıb.
"705 nömrəli Ağstafa-Bakı qatarı texniki səbəblərdən ötrü Goran stansiyasında qalıb xeyli müddətdir. Nə vaxt hərəkət davam etdiriləcək məlumat verilmir. Deyilənə görə "teplavoz" gözlənilir. Qatardan mütəmadi istifadə edən şəxslər bu halların tez-tez baş verdiyini deyirlər", - yazan sərnişin bildirib ki, Bakıya 1 saat yarım gecikmə ilə çatacaqlarını deyiblər.
Təzə alınan qatarlar hansı səbəbdən ləngiyib? Bazar günü olduğu üçün ADY-nın İctimaiyyətlə əlaqələr şöbəsindən hadisəyə münasibət öyrənə bilmədik. Sabah mövzuya qayıdacağıq.