Fransada “Qərbi Azərbaycanlıların irsinin qorunması və qayıdış hüququ” ictimai birliyi yaradılıb.

Təşkilatın əsas məqsədi Azərbaycan xalqının zəngin mədəni irsinin Ermənistan ərazisində məhv edilməsinin qarşısını almaq, beynəlxalq diqqəti bu problemə cəlb etmək və Qərbi azərbaycanlıların öz tarixi torpaqlarına sülh yolu ilə qayıtmasına dəstək qazanmaqdır.

“Association pour la Protection du Patrimoine et le Droit au Retour des Azerbaïdjanais Occidentaux” adı ilə rəsmi qeydiyyatdan keçmiş təşkilatın həmtəsisçisi İrəvandan olan Zaur Sadıqbəylidir.

Yaradılan assosiasiya dünya ictimaiyyətinin Qərbi Azərbaycan həqiqətləri ilə bağlı məlumatlılığını artıracaq.