ABŞ Kanada və Meksikadan idxal olunan məhsullara 25%-lik gömrük rüsumları tətbiq edəcək.
AzadMedia.az xəbər verir ki, bu barədə Ağ ev lideri Donald Tramp açıqlama verib.

Tramp bildirib ki, bu tariflər ABŞ-nin qonşu ölkələrini narkotik maddələr və miqrantların ölkəyə daxil olmasının qarşısını almaq üçün daha çox tədbir görməyə məcbur edəcək.

ABŞ prezidenti həmçinin Çinin də ABŞ-ə fentanil axınının qarşısını almaq üçün kifayət qədər tədbir görmədiyini bildirib və buna cavab olaraq Çin məhsullarına 10% gömrük rüsumu tətbiq etməyi planlaşdırdıqlarını deyib.
Bu, Trampın keçən ay tətbiq etdiyi gömrük rüsumlarına əlavə olunacaq və Çin məhsullarına qoyulan vergiləri 20%-ə çatdıracaq.

Hər üç ölkə gömrük rüsumlarına cavab olaraq ABŞ-ə qarşı qəti cavab tədbirləri görməyi planlaşdırdıqlarını bildiriblər ki, bu da genişlənən ticarət müharibəsi ehtimalını artırır.
Fevral ayının əvvəlində, ABŞ prezidenti Donald Tramp Kanada, Çin və Meksikadan idxal edilən mallara gömrük rüsumlarının tətbiq edilməsi haqqında fərman imzalayıb.

Fərmana əsasən Kanada və Meksikadan idxal olunan mallara 25%, Çindən gətirilən mallara isə 10% rüsum tətbiq ediləcək.
Qeyd olunub ki, rüsumlar ABŞ prezidenti Donald Tramp Kanadanın fentanil narkotikinin ölkəyə axınını dayandırmaq üçün lazım olan hər şeyi etdiyinə əmin olana qədər qüvvədə qalacaq.
Fevralın 4-də ABŞ Prezidenti Meksika və Kanada mallarına tətbiq edilən rüsumları bir ay müddətinə dayandırmışdı.
Tariflər bu gündən etibarən qüvvəyə minəcək.