Ağ Ev mətbuat katibi Karoline Leavitt cümə axşamı keçirilən brifinqdə Florida’dakı “Alligator Alcatraz” adlı federal miqrant həbsxanasının bağlanması barədə məhkəmə əmrinə sərt reaksiya verib. Leavitt qərarı “aktivist hakimlərin müdaxiləsi” adlandıraraq qınayıb.

Leavitt bildirib: “Daxili Təhlükəsizlik Departamenti bu qeyri-qanuni miqrantları ölkənin digər həbsxanalarına köçürməli olur, bu isə lazımsız yük yaradır. Biz həmişə məhkəmənin qərarlarına əməl edəcəyik, amma hüquqi əsaslarla mübarizəmizi davam etdirəcəyik.”

ABŞ Məhkəməsi, hakim Kathleen Williams’ın qərarı ilə, Florida və Trump administrasiyasına ekologiya əsaslı səbəblərlə həbsxananı bağlamaq və yeni miqrantları qəbul etməməyi tapşırmışdı. Daxili Təhlükəsizlik Departamenti isə əmrin icrasını təmin edərək miqrantları digər obyektlərə köçürür.

Florida rəsmiləri və qubernator Ron DeSantis isə həbsxananın yaxın günlərdə boşalacağını bildirir. DHS isə məhkəmə qərarına əməl edərək miqrantları digər obyektlərə köçürür, amma administrasiya hüquqi mübarizəsini davam etdirir.
Eyni zamanda, Leavitt ABŞ-ın Venesuelaya qarşı hərbi mövqelərini müdafiə edib. ABŞ-NİN
üç Aegis raket YOXEDİCİSİNİN Karib dənizinə yerləşdirildiyini xatırladan Leavitt bildirib ki, məqsəd narkotiklərlə mübarizədir və region ölkələri bunu alqışlayıb.

“Prezident hər vasitədən istifadə edərək narkotiklərin ölkəmizə axınını dayandırmağa hazırdır,” – deyə Leavitt vurğulayıb. Onun sözlərinə görə, Venesuela prezidenti Nicolás Maduro narkoterror qrupunun rəhbəri kimi qiymətləndirilir və legitim dövlət rəhbəri hesab edilmir.