Rusiyanın paytaxtı Moskva şəhərində Putinə qarşı etiraz aksiyası keçirilib.

"Qaynarinfo" xarici KİV-ə istinadən xəbər verir ki, aksiyanı aktivist Vyaçeslav Maltsev təşkil edib. O, prezident Vladimir Putin rejiminin istefa verməsini tələb edərək internet üzərindən etirazçılara çağırış edib. Onun çağırışından sonra mövcud rejimin əleyhinə olan yüzlərlə insan Moskvada toplaşıblar.

İcazəsiz keçirilən aksiyada iştirakına görə 380 nəfər həbs olunub. Polis etirazçıların üzərindən kəsici alətlər və silah aşkar edərək götürüb.