Avstriyadakı kurortda qar uçqunu nəticəsində itkin düşənlərin hamısı tapılıb
Azadmedia.az xəbər verir ki, xilasedicilər Avstriyanın Lex-Zürs dağ-xizək kurortunun yamacında uçqun düşməsi nəticəsində itkin düşən 10 nəfərin hamısını tapıblar. Polisin məlumatına görə, dörd nəfər yaralanıb, onlardan birinin xəsarəti ağır qiymətləndirilir. Qalan altı nəfər xəsarət almayıb.
Xatırladaq ki, hadisə dünən, dekabrın 25-də baş verib. Həmin gün uçqun altında qalanlardan biri xilas edilib. Qalanların axtarışına 100-ə yaxın adam cəlb olunub. Axtarış zamanı xizək sahəsi bağlanıb.