Göyərtəsində beş nəfərin olduğu Atlantik Okeanında itmiş “Titan” sualtı gəmisinin axtarışları təxminən 26 min kvadratmetr ərazini əhatə edib. Azadmedia.az xəbər verir ki, məlumatı ABŞ Sahil Mühafizəsi Twitter-də yayıb.

Atlantik okeanının bu hissəsi ABŞ-ın yurisdiksiyasında olduğundan axtarış əməliyyatına ABŞ Sahil Mühafizəsi rəhbərlik edir. Düşmən sualtı və suüstü gəmilərinin axtarışı və məhv edilməsi üçün nəzərdə tutulmuş təyyarəni göndərən axtarışda Kanada da iştirak edir.

Daha əvvəl məlumat verilmişdi ki, Fransanın okeanoqrafik gəmisi “Atalante” itmiş “Titan” sualtı gəmisinə kömək etmək üçün dərin dəniz avtonom nəqliyyat vasitəsi ilə göndərilib.

Gəmi axtarış bölgəsinə çərşənbə günü, iyunun 21-i, Paris vaxtı ilə saat 20.00 (Moskva vaxtı ilə 21.00) radələrində çatacaq. Nəşr onu da bildirir ki, gəminin göyərtəsində bir neçə min metr dərinliyə enməyə imkan verən avtonom sualtı nəqliyyat vasitəsi var.

Xatırladaq ki, iyunun 19-da Atlantik okeanında turistlərin "Titanik"in qalıqlarına qədər daldığı sualtı qayıq yoxa çıxıb.