Rusiya Xarici İşlər Nazirliyi Fransanın “anti-Rusiya bəyanatlarına” cavab verib.

Rusiya Xarici İşlər Nazirliyinin rəsmi nümayəndəsi Mariya Zaxarova Moskvanın Fransanın federasiyaya qarşı “müntəzəm emosional hücumlarına” diqqət çəkdiyini bildirib.

“Bu hadisənin bizə aydın olmayan konkret təfərrüatlarına varmadan deyim ki, insanların ölümü həmişə faciədir. Lakin Fransa rəhbərliyi 2014-cü ildən bəri Ukrayna böhranının “yetişməsində” Parisin digər Qərb paytaxtları ilə birlikdə oynadığı ölümcül rolu inadla qəbul etməkdən imtina edir.

Bu gün Fransanın Kiyevdəki cinayətkar rejimin saxlanmasında, o cümlədən irimiqyaslı öldürücü silahların tədarükü və Ukrayna əsgərlərinin təlimi ilə bağlı verdiyi töhfə haqqında nə deyə bilərik?

Biz dəfələrlə demişik ki, Fransanın Ukrayna münaqişəsində artan iştirakı nəinki onun uzanmasına və daha da kəskinləşməsinə gətirib çıxarır, həm də anti-Rusiya təbliğatından korluq çəkərək muzdlu döyüşçü kimi döyüş bölgəsinə göndərilən Fransa vətəndaşlarının həyatını təhlükə altına alır.

Öz həmvətənlərinin ölümündən qəzəblənən Fransa liderləri tədarük etdikləri silahların Kiyev rejimi tərəfindən Rusiya şəhərlərində dinc sakinləri öldürmək üçün qəsdən istifadə edilməsinə kinli şəkildə göz yummağa üstünlük verirlər. Üstəlik, Parisdə hətta bu cür vəhşiliklərə mahiyyətcə terror aktlarına haqq qazandıran “özünümüdafiə hüququ” ilə bəraət qazandırmağa çalışırdılar.

Ümid edirik ki, baş verənlər Fransa ictimaiyyətini Ukrayna münaqişəsi ilə bağlı öz rəhbərliyinin əks-məhsuldar və təhlükəli xəttinə haqq qazandırmaq barədə daha çox düşünməyə vadar edəcək”, - Rusiya Xarici İşlər Nazirliyinin mətbuat katibi vurğulayıb.

Qeyd edək ki, rəsmi Paris Rusiyanı Xersonda atəşə tutulması nəticəsində 2 fransalı tibb işçisinin ölümü və daha 3 könüllünün yaralanması ilə bağlı sərt ittihamlar irəli sürüb.

Fransa prezidenti Emmanuel Makron bunu “qorxaq və vicdansız hərəkət” adlandırıb və xarici işlər naziri Stefan Sejourne Moskvanı “Rusiya törətdiyi cinayətlərə görə cavab verməlidir” deyə hədələyib.