Rusiya lideri Vladimir Putin yakutiyalı kapral Andrey Qriqoryevə Rusiya Qəhrəmanı adının verilməsi haqqında fərman imzalayıb.

Bu barədə Kremlin mətbuat xidməti məlumat yayıb.

"Hərbi borcunu yerinə yetirərkən göstərdiyi şücaət və qəhrəmanlığa görə, kapral Andrey Nikolayeviç Qriqoryevə Rusiya Federasiyasının Qəhrəmanı adı verilsin", - deyə qeyd olunub.

Xatırladaq ki, yanvarın əvvəlində sosial şəbəkələrdə Ukrayna Silahlı Qüvvələrinin Donetsk Xalq Respublikasının Trudovoye kəndinə əks-hücum etmək cəhdinin videosu yayılıb. Burada Qriqoryev ukraynalı hərbçi ilə əlbəyaxa döyüşə çıxıb. Daha sonra o, ukraynalını bıçaqla öldürüb.

Yayılan videoda Ukrayna hərbçisinin rusiyalını indiyə qədər gördüyü ən yaxşı döyüşçü adlandırdığı əks olunub. O, Qriqoryevdən xahiş edib ki, rahat ölə bilməsi üçün ona şans versin.