ABŞ Prezidenti Donald Trampın İranın ali rəhbəri ayətullah Seyid Əli Xaməneiyə ünvanlandığı məktubu ərəb dövləti vasitəsilə Tehrana çatdırılacaq.

Bunu İranın xarici işlər naziri Abbas Əraqçi təfərrüata varmadan bildirib.

Onun sözlərinə görə, məktub yazılsa da, Tehrana hələ çatmayıb.

Qeyd edək ki, ABŞ lideri müsahibəsində Seyid Əli Xaməneiyə martın 5-də məktub göndərdiyini demişdi.

İranın xarici işlər naziri Abbas Ərakçi isə həmin məktubu almadıqlarını bildirmişdi.