Azərbaycan Respubilkasının Prezidenti
İlham Əliyev Cənablarına
Surəti: Azərbaycan Respublikasının birinci
vitse-prezidenti Mehriban Xanım Əliyevaya
Surəti: Azərbaycan Respublikasının Maliyyə naziri Samir Şərifov cənablarına
Surəti: Baş prokuroru yanında Korrupsiyaya qarşı
Mübarizə Baş İdarəsinin Rəisi
Kamran Əliyev cənablarına
Laçın rayon sakini hal-hazırda Ağcabədi rayon Taxta-Körpü ərazisində Şeylanlı Obasında Müvvəqəti Məskunlaşmış Xudayarov Baxşeyiş Salyan oğlu tərəfindən

ƏRİZƏ


Hörmətli Cənab Prezident, Dövlət Maliyyə Nəzarəti Xidmətinin 10 saylı Regional Maliyyə Müfəttişliyi bir aydan çoxdur ki, Laçın rayon Təhsil Şöbəsində 12 ilin maliyyə yoxlamalarını aparır.

10 saylı Regional Maliyyə Müfəttişliyinin rəisi Ədalət Nəbiyevin rəhbərliy etdiyi yoxlama komissiyasının üzvləri orta məktəblərdə apardıqları yoxlamalar zamanı ciddi nöqsanlar aşkarlanıb ki, həmin aşkarlanmış nöqsanlar heç də qabardılmır. Küllü miqdarda dövlət vəsaitinin mənimsənilməsi faktların ört-basdır etmək üçün hər məktəb direktorundan 4000-4500 manat arası pul tələb olunur.Məktəb direktorları onlardan tələb olunan vəsaiti özləri ödəmək iqtidarında olmadıqları üçün müəllimlərdən kütləvi şəkildə toplamaq məcburiyyətindədirlər.Müəllimlər isə bundan narazıdırlar.Laçın rayon Təhsil Şöbəsinin tabeliyində 111 orta məktəb var heç onların 60-da normal tədris yoxdu.

Mart ayında yoxlama komissiyasının üzvləri (təftiş komissiyası ) üçün rayonda hər müəllimdən martın əmək haqqından 10 manat tutulub.Müəllimlərə xəbərdarlıq etmədən bu məbləğ saxlanılıb. Bu da müəllimlərin ciddi narazılığına səbəb olub.Lakin məktəb direktorları müəllimləri tutlan pulu könüllü bağışlamaları haqqda izahat yazmağa məcbur edib.

Ədalət Nəbiyevin rəhbərlik etdiyi təftiş komissiyasının yoxladığı məktəblər yenidən yoxlanılsa yazdığım faktlar təsdiqin tapar.Tapmadığı halda qanun qarşısında cavab verməyə hazıram.

Cənab Prezident Laçın rayon Təhsil Şöbəsində sizin göstərişniz əsasında birbaşa maliyyə nazirliyi yoxlama aparsa,milyon manatlarla dövət vəsaitinin mənimsənildiyi aşkar olar.

Dia.az olaraq qarşı tərəfi də dinləməyə hazırıq...