Sabah Macarıstanın paytaxtı Budapeştdə güləş üzrə Avropa Olimpiya Təsnifat turniri start götürəcək.

AzadMedia.Az xəbər verir ki, bu gün bütün çəkilər üzrə püşkatma mərasimi keçirilib və lisenziya yarışında ölkəmizi təmsil edəcək 16 güləşçinin rəqibləri müəyyənləşib.

Sərbəst güləş

57 kq
1/8 final: İslam Bazarqanov – Niklas Şteşele (Almaniya)

65 kq
1/8 final: Hacı Əliyev – Corc Ramm (Böyük Britaniya)

74 kq
1/8 final: Hacımurad Hacıyev – Andre Afa (Fransa)

86 kq
1/8 final: Əbubəkr Abakarov – İştvan Vereb (Macarıstan)

125 kq
1/4 final: Camaləddin Məhəmmədov – Tapani Heyno (Finlandiya)

Qadın güləşi

53 kq
1/8 final: Leyla Qurbanova – Timea Şeker (Macarıstan)

57 kq
1/8 final: Alyona Kolesnik – Evelina Nikolova (Bolqarıstan)

62 kq
1/4 final: Tatyana Omelçenko – Anastasiya Qriqoryeva (Latviya) / Sara Da Kol (İtaliya)

68 kq
1/8 final: Elis Manolova – İlana Kratiş (İsrail)

76 kq
1/8 final: Gözəl Zutova – Corcina Neltorp (Böyük Britaniya)

Yunan-Roma güləşi

60 kq
1/8 final: Murad Məmmədov – Yustas Petraviçyus (Litva)

67 kq
Təsnifat: İslambəy Dadov – Mihay Mihut (Rumıniya)

77 kq
1/8 final: Sənan Süleymanov – Aleksandrin Qutu (Moldova)

87 kq
1/8 final: İslam Abbasov – Şimon Şimonoviç (Polşa) / Daniel Aleksandrov (Bolqarıstan)

97 kq
1/8 final: Murad Lokyayev – Laokratis Kesidis (Yunanıstan)

130 kq
1/8 final: Beka Kandelaki – Aleksandros Papadatos (Yunanıstan)

Qeyd edək ki, yarışın proqramına əsasən martın 18-19-da sərbəst, 19-20-də qadın, 20-21-də isə yunan-Roma güləşi üzrə mübarizə baş tutacaq. Yarış sabah Bakı vaxtı ilə 14:00-da start götürəcək. Yarımfinallar isə 21:00-da başlayacaq. Hər çəkidə finala vəsiqə qazananlar həm də Olimpiadaya lisenziya əldə edəcəklər. Məsul yarışda I-S kateqoriyalı hakim Asif Şirəliyevin ədaləti qoruyacağını da nəzərinizə çatdıraq.