Azadmedia.az-a özəl olaraq, AMEA-nın əməkdaşı Yasəmən Qaraqoyunludan -



İllərdir yazılarımızda və çıxışlarımızda Azərbaycan ictimai düşüncəsində inqilab təsiri yapa biləcək ideya və təkliflərlə çıxış etdik. Toplum bu ideyaları qeyri real, xəyal məhsulu kimi qarşılasa da, bilirik ki, bu ideyalar zamanla gerçək olacaqdır. Bilirik, yolumuza davam edirik, zamanla düşüncəni və dünyanı dəyişirik. Bir toplumun içində böyük xəyallar bəsləyən idealist romantiklər (halbuki, əsl gerçəkçi elə özüməm) olduqca o toplum siyasətə misyonlar yükləyə biləcəkdir.



Yaşama, topluma, millətə verilən ideyalar onun ayaqda qalmasını təmin edən enerji qaynağıdır.
Biz illərdir sizin ideyalarınızı səsləndiririk.

1. Türkiyə hərbi bazaları Azərbaycanda yerləşməlidir dedik

2. Türkiyə Azərbaycan konfederasyonu qurulmalıdır dedik. Bir millət bir dövlət projesi gələcəyin inşasında əsas strateji proje, yoldur dedik.

3. Bölgəmizdə qurulmuş Rusiya-Ermənistan- İran blokuna qarşı Türkiyə-Pakistan-Azərbaycan hərbi strateji bloku qurulsun dedik,
Qarabağın işğaldan azad edilməsində bu blokun qurulmasının yaratdığı avantajlar bizə yardım edəcəkdir. Bu blok İran-Rusiya-Ermənistan blokunu təsirsiz hala gətirəcəkdir dedik.

4. Ermənistanı dövlət edəcək coğrafi şərtlər yoxdur, Ermənistan sərhədləri Quzey-Güney Azərbaycan, Borçalı və Türkiyə türkləri ilə çevrili isə, Ermənistan dövlət yox, kiçik erməni anklavı olacaqdır. Bu anklavı da ortadan qaldırmağın tək yolu Ermənistan vətəndaşı olan türklərinin Ermənistana qaytarılmasıdır dedik. Ermənistanı dövlət kimi var edən Batı mərkəzli uluslararası konyuktur çökür dedik. Bu tarixi fürsətdən yararlanaraq Türk dünyasının bağrına saplanmış "Erməni məsələsi"ni kökündən yox etməliyik dedik. "Erməni məsələsi"ni yox etməyin 3 yolu var dedik. Bütöv Azərbaycan qurulmalı-İranda türk dövlətçiliyi bərpa edilməlidir(ilk baxışda bunlar bir-birini istisna edən zidd, alternativ ideyalar kimi görünsə də, əslində bir-birini tamamlayan prosesdir ki, bu barədə ayrıca bir məqalə yazsaq daha yaxşı olar), Rusiyanın 22 federasiya subyektinin 21-i türk-müsəlmandır. Orada türk-İslam ideyalarını diri tutmalıyıq. Borçalı türklərinin muxtariyyətinə nail olmalıyıq.

5. Zehniyyətlərdə və fəlsəfələrdə Vestfaliya müqaviləsindən günümüzə qədər Batının bütün dünyanın mərkəzi olma alqısı çökməkdədir.



Batı mədəniyyəti tarix boyu gəlmiş keçmiş mədəniyyətlərdən sadəcə biridir.



Bütün mədəniyyətlər dəyər ürətir. Heç bir mədəniyyət kürəsəl hegemonluq qurma haqqına malik deyil.



Batı mədəniyyəti heç bir zaman kürəsəl mədəniyyət olmamışdır. Batı heç bir zaman dünyanın mərkəzi olmamışdır, olamaz dedik. Məhz bundan çıxış edərək, Avro-Atlantik mərkəzli tək qütblü dünya quruculuğuna son verilməlidir. Çox qütblü dünya qurulmalıdır dedik.

6. Türk milləti Çox qütblü dünyanın bir qütbü kimi şəkillənmək və yenidən inşa olunmaq məcburiyyətindədir. Türk milləti bütün müsəlman və xristian türk dövlətlərini birləşdirərək bir Turan qurmalıdır dedik.



Türk millətinin təhlükəsizliyini və müdafiəsini öz ordusu-Turan ordusu qorumalıdır dedik.

7. TURAN birliyinin qurulması Avrasiyada yeni geopolitik, geostrateji dəngələrin qurulmasına səbəb olacaqdır. Siyasi xəritələr və bloklar dəyişəcəkdir. NATO, KTMT, AB, BMT təşkilatları bölünəcək və dəyişikliyə uğrayacaqdır. Avro-Atlantik blokun (Qərbi Roma) və Rusiyanın(Şərqi Roma) birlikdə qurduqları dünya sistemi, hegemoniyası çökəcəkdir. Asiyada, Afrikada, İslam, İnduist, Turan dünyalarında 300 ildir təbliğ edilən "Batı mədəniyyətinin üstünlüyü" düşüncəsi çökəcəkdir dedik. Batı mədəniyyəti Renesans çağında Allahı öldürdü, Sənaye çağda Təbiəti öldürdü, Post İndustrial çağında isə insanı öldürməyə çalışır dedik.



Yer üzündə ekoloji fəlakətlər yaradaraq Yaşamı təhdid edən bir mədəniyyətdir dedik.

8. NATO bloku Avro-Atlantik blokun maraqlarını qoruyan, Turanı təhdid edən bir blokdur dedik. Batı mədəniyyətinin üstünlüyü ideyaları çöktükcə, NATO da kiçik, marijinal bir hərbi bloka çevriləcəkdir dedik. Batı bloku və dəyərləri kiçilərək öz sərhədlərinə çəkiləcəkdir dedik.

9. Batı blokunun və Rusiyanın 200 illik kürəsəl gücü, yayılmaçılığı, sömürgə və işğalları Batı Fəlsəfəsinin doğurduğu kapitalizm və sosializm tezis-antitezisləri ilə yeni dünya quruculuğunun həyata keçirilməsi nəticəsində, mümkün olub.



Bu iki dünyanın müstəmləkəsi və sömürgəsi olan Türk-İslam dünyası XXI yüz ildə yenidən dirçəlməli, təşkilatlanmalı, güc mərkəzinə çevrilməlidir dedik.

10. Türkiyə və Türk Milləti Türklüklə Çindən Adriatik dənizinə qədərki 10 milyon kv.metirlik bir coğrafiyada-Turan Bloku quraraq yeni bir mədəni siyasi-hərbi-iqtisadi gücün yaradıcısı olmalıdır dedik. Hər bir siyasi güc və blok öz kosmoloji dünyası, dəyərləri, hüquq anlayışı, ədalət və Haqq anlayışı, Allah anlayışı olan mədəni bir sistemdir dedik. Turan bloku da Turan mədəniyyətini təmsil edən bir gücdür dedik.

11. Türkiyə Türk-İslam sivilizasiya dəyərlərini təmsil etməklə 1,5 milyard müsəlman dünyasına, Asiyaya, Afrikaya, Ərəb Yarımadasına, İrana, Rusiyaya, Uzaq Asiyada İndoneziya, Sinqapur, Malyaziya ölkələrinə- bütövlükdə Avrasiyanın üçdə birinə hökm etmək, yönləndirmək, gücləndirmək, Ədaləti və Bərabərliyi qorumaq, yaymaq gücünə və tarixi ənənəsinə, eyni zamanda misyonuna sahibdir dedik.

12. Türk Millətinin yaradılış misyonu yer üzündə Cahan imperatorluğu qurub doğunu və batını, farklı dilləri, dinləri və kültürləri yönləndirmək, uzlaştırmaq, ədalət və güvəni təsis etməkdir dedik.

Biz bunları dedik. Sən siyasətçi deyilsən dedilər. İcazə verin soruşum ki, bəs siz siyasətçilər nə edirsiniz?

1. Az bir qism bizim irəli sürdüyümüz, müəllifi olduğumuz bəzi ideyaların, konsepsiyaların ki, bu gün reallaşmaqdadır, televiziyalarda onları şərh etməklə məşğulsunuz.
2. Hələ də, Avroatlantik bloku, bu blokun təşkilatları olan NATO və BMT-ni dünyanın mərkəzi hesab edən çox qism isə bizi xəyalpərəst, millətçi, özlərini isə ciddi, gerçəkçi hesab edərək praqmatik, rasional, kosmopolit görünməyə çalışmaqla Qərb institutlarının diqqətini çəkmək üçün uğraşırlar.

Biz şüuru dəyişirik. Şüur dəyişincə reallıqlar dəyişir, dünya dəyişir..

Ülkər Piriyeva