Yeni Azərbaycan Partiyası (YAP) İsmayıllı Rayon Təşkilatının ərazi partiya təşkilatlarında hazırlanmış qrafikə uyğun olaraq 15 fevral 2022-ci il tarixində hesabat-seçki yığıncaqları keçirilmişdir.
Öncə Vətən uğrunda canından keçən şəhidlərimizin və Ümummilli Lider Heydər Əliyevin əziz xatirəsi bir dəqiqəlik sükutla yad edilib.
YAP İsmayıllı rayon təşkilatının sədri Zaur Muradov əsası ulu öndər Heydər Əliyev tərəfindən qoyulan və hazırda Prezident İlham Əliyev tərəfindən uğurla inkişaf etdirilən Yeni Azərbaycan Partiyasının bu gün ölkədə ən nüfuzlu siyasi qurum olduğunu diqqətə çatdırıb.
Yığıncaqlarda ərazi partiya təşkilatların ötən dövr ərzindəki fəaliyyəti barədə hesabat məruzəsi dinlənildikdən sonra hesabat məruzəsi ətrafında geniş müzakirələr aparılıb və ərazi partiya təşkilatlarının hesabat dövrü ərzindəki fəaliyyətləri qənaətbəxş hesab olunub.
Daha sonra gündəlikdə duran digər məsələ ətrafında müzakirələr təşkil edilmiş, iclas iştirakçıları tərəfindən ərazi partiya təşkilatının sədr və sədr müavinləri seçilmişdir.
Yığıncaqların sonunda YAP İsmayıllı Rayon Təşkilatının sədri Zaur Muradov yeni seçilən sədr və sədr müavinlərini təbrik edərək işlərində uğurlar arzulayıb və partiya üzvlərini partiyanın fəaliyyətində daha da yaxından iştirak etməyə çağırıb.