Gözəl və zəngin Kəkbəcərim


Tağıyeva Əntiqə- Masallı Tarix –Diyarşünaslıq Muzeyi

Azərbaycan Respublikasının Prezidenti İlham Əliyev iyunun 26-da Kəlbəcər rayonunda “İstisu” sanatoriyasının təməlqoyma mərasimində iştirak edib.Sanatoriyada görüləcək işlərlə bağlı Prezidentimizə məlumat verilib. 34 hektar ərazidə salınması nəzərdə tutulan “İstisu” İstirahət-Müalicə Kompleksi gündəlik 300 nəfər qəbul etmək imkanına malik olacaq. Kompleksdə sağlamlıq-bərpa mərkəzi ilə yanaşı, 10 kottecin tikilməsi də planlaşdırılır.Kəlbəcərin İstisu kəndinin məşhur mineral suyu olan "İstisu" bulağı ətrafında 1928-ci ildə eyniadlı sanatoriya yaradılıb. İşğal dövründə yararsız hala salınan sanatoriya yeni simada tam bərpa olunacaq və əvvəlki şöhrəti qaytarılacaqdır.

Prezident cənab İlham Əliyev “İstisu” sanatoriyasının təməlini qoyduqdan sonra çıxışında söyləmişdir” İstisu qəsəbəsinin inkişafı ilə bağlı artıq konkret addımlar atılır. İlk növbədə, yeni su zavodunun tikintisi nəzərdə tutulur. Bu gün mən bu su zavodunun təməlini qoydum. Vaxtilə məşhur olan İstisu suyu yenidən buraxılacaq, istehsal olunacaq, Azərbaycanda istehlak olunacaq və ixrac ediləcək. Eyni zamanda, arxada gördüyünüz İstisu sanatoriyasının dağıntılarıdır. Keçən il burada bu dağıntılarla tanış oldum və göstəriş verdim ki, bu yerdə - İstisu qəsəbəsində yeni mehmanxana inşa edilsin və müalicə mərkəzi yaradılsın. Çünki vaxtılə sovet dövründə minlərlə insan gəlib burada dincəlib, öz sağlamlığını bərpa edib, bu gözəl təbiətdən zövq alıb.Bu dağıntılar erməni faşizminin təzahürüdür. Onlar binalarımızı, məscidlərimizi, məktəblərimizi, şəhər və kəndlərimizi dağıdıblar. Bu sanatoriyanı da dağıdıblar. Amma bir müddətdən sonra burada yeni gözəl mehmanxana və müalicə mərkəzi yaradılacaq. Mən hesab edirəm ki, bu, çox vacibdir. Çünki İstisu sanatoriyası və İstisu suyu bu bölgənin rəmzi, Kəlbəcərin təbii sərvəti idi. Bu gün biz - bu torpaqların sahibləri vaxtılə əlimizdən alınmış bütün sərvətləri özümüzə qaytarmışıq. Bütün şəhər və kəndlərimizi yenidən, sıfırdan bərpa edirik və edəcəyik, o cümlədən Kəlbəcər rayonunda, Laçın rayonunda böyük quruculuq işləri gedir.”
Möhtərəm Prezidentimizin tapşırıqları əsasında bütün Qarabağda olduğu kimi,Kəlbəcərdədə yeni quruculuq işlərinə start verilib və bəzilərinin təməlqoyma mərasimləri qeyd olunub. Bütün infrastruktur layihələr uğurla icra edilir. 4 su elektrik stansiyası istifadəyə verilib. Yenə 5 su elektrik stansiyasının istifadəyə verilməsi təmin ediləcək.Yollar çəkilir,tunellər ,körpülər inşa edirilirvə genişmiqyaslı işlər görülür.Bütün quruculuq işləri ilə bərabər, Ermənistanla bütün sərhəd boyunca yeni mövqelər, yeni postlar quraşdırılır. Aparılan bütün quruculuq işləri Möhtərəm Prezidentimizin uğurlu siyasətinin nəticəsidir.Prezident cənab İlham Əliyev dəfələrlə çıxışlarında bildirib ki, “görülən işlər xalqımızın böyüklüyünü göstərir. Onu göstərir ki, bir daha demək istəyirəm, biz bu torpaqların sahibiyik, buraya qayıtmışıq və burada əbədi yaşayacağıq. Qarabağ Azərbaycandır!”

Bəli “Dəmir Yumruq” kimi birləşdik torpaqlarımızı işğaldan azad etdik. “Dəmir Yumruq “kimi Prezidentimizin ətrafında sıx birləşərək işğaldan azad olunmuş torpaqlarımızı qurur və cənətməkana çevirəcəyik.
Yaşasın Ali Baş Komandan! Yaşasın Azərbaycan xalqı!



Ülkər Piriyeva