Rusiyada azərbaycanlı “qanuni oğru”, kriminal aləmdə “Albert Rıjiy” ləqəbi ilə tanınan Əli Heydərovu qətlə yetirən Mətləb Sultanovun məhkəmə prosesi başa çatıb.

38 yaşlı M.Sultanov 16 il müddətinə azadlıqdan məhrum edilib.

Bu barədə Moskva Şəhər Məhkəməsi hökm çıxarıb. O, cəzasını ciddi rejimli cəzaçəkmə müəssisəsində çəkəcək.

Qeyd edək ki, hadisə ötən il baş verib. M.Sultanov Ə.Heydərovu aprelin 12-də Moskvadakı idman zallarının birində tapançadan açdığı atəşlə qətlə yetirib.

Xatırladaq ki, “Albert Rıjıy” 1981-ci ildə Gəncədə anadan olub. “Qanuni oğru” adını 2012-ci ildə Sankt-Peterburqda alıb. “Albert Rıjıy” “Ded Xasan”ın (Aslan Usoyan) ölümündən 8 il sonra Moskvada qətlə yetirilən ilk “Qanuni oğru”dur. O, Sankt-Peterburqun Beloostrovski qəbiristanlığında torpağa tapşırılıb.

“Qafqazinfo”