Millət vəkili Erkin Qədirlinin məlum açıqlaması həmkarları arasında birmənalı qarşılanmayıb. Bunu gün ərzində verilən açıqlamalarda da aydın görmək olur.
Azadmedia.az 70 saylı Masallı Şəhər Seçki Dairəsindən deputat seçilən millət vəkili Məşhur Məmmədovdan məsələyə münasibət öyrənib. Qalmaqallı açıqlamalardan uzaq duran deputat bildirib ki, bu sözləri demək, ən azı hər bir millət vəkilinin minlərlə seçicisinə qarşı hörmətsizlikdir. Kimsə özünü xalqın etimadı qarşılığında seçilmiş hesab etmirsə, biz onu məcbur edə bilmərik ki, əksini desin. Ümumiyyətlə, millət vəkilləri seçiciləri, dövləti üçün gördükləri işlərlə gündəmə gəlsə, yaxşı olar. Sosial şəbəkələrin üstünlük təşkil etdiyi bir dövrdə hər bir deputatın fəaliyyəti, seçicilərin ona münasibəti göz önündədir, əlavə şərhə ehtiyac yoxdu.
Sonda M.Məmmədov hər kəsə öz adından danışmağı tövsiyə etdi.