Fransada yeni pensiya qanun layihəsinə qarşı çıxan dövlət qulluqçuları və işçilər ölkə daxilində bu ay ikinci dəfə tətilə çıxıblar. Bu gün ölkədə bir çox məktəblər bağlanıb. Avtobuslar və qatarlar da əsasən bərbad vəziyyətdədir. Belçikada ölkənin aparıcı həmkarlar ittifaqlarının birgə qərarı ilə təşkil olunan etiraz aksiyası hökuməti kadr çatışmazlığı səbəbindən artan iş yükünü aradan qaldırmağa çağırıb. Avropada tətil dalğasının ortasında İngiltərədən diqqətəlayiq bir qərar gəldi...


Fransanın AFP xəbər agentliyinə danışan bir polis rəsmisinin verdiyi məlumata görə, bu gün təxminən bir milyon insanın yeni plana etiraz olaraq nümayişlərə qoşulmaq üçün küçələrə çıxması gözlənilir. Daxili İşlər Nazirliyinin verdiyi məlumata görə, 4000-i paytaxt Parisdə olmaqla, 11 min polis ölkə daxilində etiraz aksiyalarına cəlb olunmaq üçün hazırdır. Hökumət mövcud sistemin daha çox maliyyə dayanıqlılığının mümkün olmadığını iddia edir və pensiya yaşını 62-dən 64-ə qaldırmaq istəyir.

Pensiya qanununda edilən tənzimləmənin ən mübahisəli hissəsi pensiya yaşı idi. Eyni zamanda, pensiyaya ayırmaların müddəti və məbləği artırılır, pensiyaların tamamlanmadan ödənilməsinin qarşısı alınır. İctimai rəy sorğularına görə, əhalinin üçdə ikisi bu dəyişikliyin əleyhinədir. Qanun layihəsi Fransa parlamentində də ciddi müxalifətlə üzləşib.


Ü. Piriyeva