Şəmkirdə baş verən qəzada ölən və xəsarət alanın kimliyi məlum olub.

APA-nın məlumatına görə, qəzada ölən yeniyetmə Gədəbəy rayonunun Qumlu kənd sakini İlkin İmanov, xəsarət alan sürücü isə 31 yaşlı Elvin Abdullazadədir.

Xatırladaq ki, hadisə Gədəbəy-Şəmkir avtomobil yolunun rayonun ərazisindən keçən hissəsində qeydə alınıb. Gədəbəy rayon sakini 31 yaşlı Elvin Abdullazadənin idarə etdiyi VAZ-21099 markalı minik maşını “KamAZ” markalı yük maşını ilə toqquşub.

17:24

Şəmkirdə ölümlə nəticələnən yol-nəqliyyat hadisəsi baş verib.

Hadisə rayonun Seyidlər kəndində qeydə alınıb.

VAZ-21099 markalı minik maşını ilə “KamAZ” markalı yük maşını toqquşub. Qəza nəticəsində VAZ-da olan sərnişin hadisə yerində ölüb, sürücüsü xəsarət alıb.

Hadisə yerinə DYP əməkdaşları cəlb olunublar.