Bakı, 10 mart - Azadmedia.az

Zelenskinin Oskar mərasimində "danışmaq istəyi" rədd edildi.

Bildirilir ki, Akademiya Mükafatlarının təşkilatçıları və direktorları Vladimir Zelenskinin builki mərasimdə çıxış etmək istəyini rədd ediblər.

2023-cü il Oskar Mükafatları 12 Mart Bazar günü keçiriləcək.

Keçən fevralda Rusiyanın Ukraynaya təcavüzü başlayandan bəri prezident Zelenski yanvar ayında 2022-ci il Qremmi Mükafatları və Qızıl Qlobus kimi mükafatlandırma mərasimlərində diqqətəlayiq çıxışlar edib.

Zelenski son olaraq Ukrayna prezidentinin müharibədə liderliyindən bəhs edən “Super güc” filminin premyerası keçirilən Berlin Film Festivalında iştirakçılara müraciət edib.

Digər tərəfdən, bu gün çıxan xəbərə görə, Ukrayna prezidentinin bazar günü televiziya yayımı vasitəsilə Oskar mərasiminə qatılmasına icazə verilməyib.

Variety-ə danışan mənbələrə görə, Akademiyaya Zelenskinin çoxdan gözlənilən yayıma daxil edilməsi üçün müraciət edilib, lakin rədd edilib.

Məlumatda o da qeyd olunur ki, keçmiş komediya ustası prezidentin Oskar mərasimində çıxış etmək istəyi ardıcıl ikinci dəfə baş tutmayıb.


Ülkər Piriyeva