Bu gecə Rusiya ordusu Kiyev, Odessa və Zaporojye vilayətlərini atəşə tutub.

Azadmedia.az xəbər verir ki, bu barədə Ukrayna mətbuatı məlumat yayıb.

Belə ki, Kiyev administrasiyası şəhərə PUA hücumlarının edildiyini və hava hücumundan müdafiə vasitələrinin işlədiyini bildirib.

Həmçinin “Cənub” Operativ Komandanlığının məlumatına görə, gecə Odessaya 15 “Şahid” PUA-sı ilə hücum edilib. PUA-ların əksəriyyəti vurulsa da, şəhərdəki təhsil müəssisələrindən birinin yataqxanasına ciddi ziyan dəyib.

Qeyd edək ki, Zaporojye, Slavyansk və Kramotorsk şəhərlərində də partlayışlar baş verib.