Ukrayna Silahlı Qüvvələri ilk dəfə olaraq mayın 4-də saat 02:40 radələrində Kiyev səmasında Rusiyanın hipersəs X-47 “Xəncər” raketini vurub.

Azadmedia.az xəbər verir ki, bu barədə “Defence Express” məlumat yayıb.

Kiyevə uçan X-47 “Xəncər” raketinin qalıqlarının görüntüləri əldə edilib.

Döyüş başlığı olmayan raketin qalıqları paytaxt daxilindəki stadiona düşüb.

Raketin ABŞ-ın Ukraynaya verdiyi "Patriot" hava hücumundan müdafiə sistemləri tərəfindən vurulduğu bildirilir.

Qeyd edək ki, Ukrayna Hərbi Hava Qüvvələri məsələ ilə bağlı açıqlama verməkdən imtina edib.