Kosovanın şimalında baş verən toqquşmalar zamanı zorakılığı və NATO-nun sülhməramlı qüvvələri KFOR-a hücumları pisləyirik.

Azadmedia.az xəbər verir ki, bu barədə NATO-nun bəyanatında deyilir.

Belə ki, "NATO Kosovanın şimalında KFOR hərbçilərinə qarşı səbəbsiz hücumları qətiyyətlə pisləyir. Hücum nəticəsində onlardan bir neçəsi yaralanıb. Bu cür hücumlar qətiyyən yolverilməzdir. Zorakılıq dərhal dayandırılmalıdır", - deyə həmin bəyanatda deyilir.

Həmçinin NATO bütün tərəfləri gərginliyi daha da artıran hərəkətlərdən çəkinməyə və dialoqa çağırıb.