Suriyanın havadan müdafiə qüvvələri “Buk-M2E” zenit-raket kompleksi ilə İsrail Hərbi Hava Qüvvələrinin Dəməşq yaxınlığına atdığı aviabombanı zərərsizləşdirib.

Azadmedia.az xəbər verir ki, bu barədə Suriyada Döyüşən Tərəflərin Barışıq Mərkəzinin rəis müavini, kontr-admiral Oleq Qurinov deyib.

Belə ki, o bildirib ki, Qolan yüksəkliklərindən İsrailə məxsus iki F-15 taktiki qırıcısı 4 zərbə endirib və atılan raketlərdən yalnız biri vurulub.

Həmçinin Qurinovun sözlərinə görə, İsrail zərbələri nəticəsində iki anbar zədələnib, tələfat yoxdur.

Qeyd edək ki, İsrailin zərbələri nəticəsində Dəməşqin cənub-qərbindəki ərazilərdə İrana bağlı qüvvələrin hərbi anbarlarının dağıdıldığı bildirilmişdi.