Mayın 24-də Türkmənistanın paytaxtında MDB-yə üzv ölkələrin Hökumət Başçıları Şurasının iclası keçiriləcək.

Azadmedia.az xəbər verir ki, bu barədə Birlik İcraiyyə Komitəsinin mətbuat xidməti məlumat yayıb.

Belə ki, “Birliyə üzv dövlətlərin daimi səlahiyyətli nümayəndələri şurasının üzvləri (fevralın 27-də Minskdə keçirilən iclasda) MDB-nin Hökumət Başçıları Şurasının mayın 24-də Aşqabadda keçiriləcək növbəti iclasının gündəliyinin layihəsinə dair təkliflərə baxacaqlar”, - deyə məlumatda bildirilir.

Qeyd edək ki, MDB Hökumət Başçıları Şurasının əvvəlki iclası 2023-cü il oktyabrın sonunda Bişkekdə baş tutub.