İtaliyanın Piombino limanından yola düşən gəmi-bərənin mühərrik bölməsində yanğın baş verib.

Azadmedia.az xəbər verir ki, Elba adası istiqamətində hərəkət edən “Korsika Sardinya Ferries” şirkətinə məxsus “Korsika Ekspress” gəmi-bərəsinin göyərtəsində təxminən 300 nəfər olub. Mühərrik bölməsində tüstü aşkarlandıqdan sonra gəmi-bərə limana geri qayıdıb. Yanğın dərhal söndürülüb.

Belə ki, əraziyə Sahil Mühafizə Xidmətinin patrul gəmiləri və mülki müdafiə qüvvələri cəlb olunub. Sərnişinlər və ekipaj üzvləri təxliyə edilib. Hadisə nəticəsində xəsarət alan olmayıb.