Bu gün axşam saatlarında Bakı Metropoliteninin “28 May” stansiyasının əsas girişi müvəqqəti bağlanıb.

“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov Qaynarinfo-ya açıqlamasında bildirib ki, buna səbəb sərnişinlərin təhlükəsizliyini təmin etmək olub.

“Saat 19:00 radələrində metroda sərnişin sıxlığı çox olduğundan təhlükəsizlik tədbirlərini gücləndirmək məsədilə əsas giriş 4-5 dəqiqəliyə bağlanıb. Sərnişinlər “Cəfər Cabbarlı” stansiyasının girişindən içəri buraxılıblar. Hazırda problem aradan qaldırılıb”,- deyə qurum rəsmisi söyləyib.