AzadMedia
Telegram Facebook Twitter Youtube Instagram

İki boksçumuz DÇ-nin 1/4 finalında

  • + A
  • - A
  • 18-09-2019, 10:55

    İki boksçumuz DÇ-nin 1/4 finalında

    Rusiyanın Yekaterinburq şəhərində boks üzrə keçirilən dünya çempionatında 1/8 final mərhələsinin döyüşləri başa çatıb. "Qafqazinfo" xəbər verir ki, bu mərhələdə rinqə çıxan Azərbaycan millisinin 4 üzvündən ikisi çıxışını qələbə ilə bitirib.

    Avropa Oyunlarının qalibi Dominqes Alfonso (81 kq) 1/4 finala gedən yolda avstriyalı Umar Cambekovla üz-üzə gəlib. Qarşılaşma Azərbaycan təmsilçisinin xeyrinə yekunlaşıb. Alfonso rəqibini 4:1 (27:30, 30:27, 29:28, 30:27, 30:27) hesabı ilə məğlub edib. O, 1/4 finalda özbəkistanlı Dilşodbek Ruzmetovla münasibətinə aydınlıq gətirəcək.

    Alfonsonun uğurunu +91 kq çəki dərəcəsində çıxış edən Məhəmməd Abdullayev də davam etdirib. Misirli Yosri Rezk Mustafa ilə döyüşən boksçumuz 3:2 (29:28, 29:28, 28:29, 27:30, 29:28) hesablı qələbə qazanıb. O, 1/4 finalda avstraliyalı Justis Huni ilə gücünü yoxlayacaq.

    Digər iki boksçumuz Məsud Yusifzadə (52 kq) və Tayfur Əliyev (57 kq) isə 1/8 final qarşılaşmasında məğlub olublar.

    Qeyd edək ki, dünya çempionatında 1/4 final mərhələsinin görüşləri sentyabrın 18-də keçiriləcək. Azərbaycanın hər iki boksçusu rinqə axşam sessiyasında çıxacaq.


    www.AzadMedia.az

    Mətndə səhv var? Onu siçanla seçin və Ctrl+Enter düyməsini basın.
    OXŞAR XƏBƏRLƏR

    Köşə
    XƏBƏR LENTİ
    BÜTÜN XƏBƏRLƏR