AzadMedia
Telegram Facebook Twitter Youtube Instagram

İki sərbəst güləşçimiz Avropa çempionu oldu — YENİLƏNİB

  • + A
  • - A
  • 6-05-2018, 15:22

    İki sərbəst güləşçimiz Avropa çempionu oldu — YENİLƏNİB















    Rusiyada keçirilən güləş üzrə Avropa çempionatının beşinci yarış günündə 57, 65, 70, 79 və 97 kiloqram çəki dərəcələrində sərbəst güləşçilər mübarizəyə qoşulublar.
    57 kiloqram çəki dərəcəsində mübarizə aparan Azərbaycan təmsilçisi Georgi Edişeraşvili ardıcıl olaraq Bolqarıstan və Ermənistan idmançılarına tam üstünlüklə qalib gəlib və yarımfinala vəsiqə qazanıb. Yarımfinalda Belarus güləşçisini də məğlub edən idmançımız finala yüksəlib. Həlledici görüşdə onun rəqibi Rusiya təmsilçisi olub. Gərgin keçən qarşılaşmanı son saniyədə icra etdiyi fəndlə qələbə ilə tamamlayan idmançımız Avropa çempionatının qızıl medalını qazanıb.

    Digər güləşçimiz Hacı Əliyev (65 kq) avstriyalı, türkiyəli və sloveniyalı rəqiblərini məğlub edərək finala yüksəlib. Üçqat dünya çempionumuz bu mərhələdə Rusiya idmançısı İlyas Bekbulatovla qarşılaşıb. Gərgin keçən görüş Azərbaycan güləşçisinin qələbəsi ilə başa çatıb və Hacı Əliyev növbəti dəfə Avropa çempionu tituluna yiyələnib.

    İdmançılarımızdan Murtuz Müslümov (70 kq) Almaniya və Bolqarıstan təmsilçilərinə qalib gələrək yarımfinala vəsiqə qazanıb. Yarımfinalda güləşçimiz Polşa idmançısı ilə gərgin keçən görüşdə minimal fərqlə uduzub. Üçüncü yer uğrunda döyüşdə belaruslu Azamat Nurikaudan üstün olan güləşçimiz bürünc medal əldə edib.

    ***
    Rusiya Federasiyasının Kaspiysk şəhərində güləş üzrə böyüklər arasında Avropa çempionatı keçirilir.

    "Ölkə.Az" xəbər verir ki, yarışın altıncı günündə 61, 74, 86, 92 və 125 kiloqram çəki dərəcəsində mübarizə aparan sərbəst güləşçilər qüvvələrini sınayırlar.

    Mübarizəyə dörddəbir finaldan qoşulan Mircəlal Həsənzadə (61 kq) və Şərif Şərifov (92 kq) rəqiblərini tam üstünlüklə məğlub edərək yarımfinala vəsiqə qazanıb. Mircəlal Həsənzadə yarımfinal görüşünü uduzaraq bürünc medal uğrunda görüşə haqq qazanıb.
    Səksən altı kiloqramda yarışan Aleksandr Qostiyev Bolqarıstan və Almaniyadan olan rəqiblərinə qalib gələrək yarımfinala yüksəlib. Gürcüstan idmançısını da məğlub edən təmsilçimiz finala yüksəlib. Həlledici görüşdə A.Qostiyevin rəqibi Rusiya idmançısı olacaq.

    Digər idmançılarımızdan Şərif Şərifov (92 kq) yarımfinalda Türkiyə idmançısına heç bir şans verməyib və finalda mübarizə aparmaq hüququ qazanıb. Həlledici görüşdə onun rəqibi Rusiya idmançısı Abdulraşid Sadullayev olacaq.

    Yüz iyirmi beş kiloqramda mübarizə aparan Cəmaləddin Məhəmmədov təsəlliverici görüşə qatılacaq.

    Coşqun Əzimovun (74 kq) səkkizdəbir final görüşündə litvalı rəqibi Andrius Mazeyka ilə görüşü rəqibin üstünlüyü ilə başa çatıb.

    Final görüşləri mayın 6-da keçiriləcək.


    www.AzadMedia.az

    Mətndə səhv var? Onu siçanla seçin və Ctrl+Enter düyməsini basın.
    OXŞAR XƏBƏRLƏR

    Köşə
    XƏBƏR LENTİ
    BÜTÜN XƏBƏRLƏR