Azərbaycanın futbol üzrə milli yığma komandası "Dünya Çempionatı-2018"in seçmə mərhələsində bu gün Almaniya millisi ilə qarşılaşacaq.

Yığmamız artıq Almaniyadadır.

Almaniyada on minlərlə azərbaycanlı yaşasa da, Azərbaycan yığmasını sadəcə bir azarkeş qarşılayıb. Avtobusun yanında fişəng yandırıb millimizi dəstəkləmək üçün mahnı oxuyan azarkeş "Milli dəstə" azarkeş qrupunun üzvü Şamil Mustafayevdir.
Qeyd edək ki, Almaniya-Azərbaycan oyunu bu gün yerli vaxtla 22:45 radələrində keçiriləcək.