AzadMedia
Telegram Facebook Twitter Youtube Instagram

Bu gün Azərbaycan millisi Çexiya yığması ilə qarşılaşacaq

  • + A
  • - A
  • 5-10-2017, 10:45

    Bu gün Azərbaycan millisi Çexiya yığması ilə qarşılaşacaq














    Bu gün futbol üzrə Azərbaycan milli komandası növbəti rəsmi matçına çıxacaq.

    AZTB.info Report-a istinadən xəbər verir ki, Robert Prosineçkinin rəhbərlik etdiyi kollektiv 2018-ci il dünya çempionatının seçmə mərhələsinin IX turu çərçivəsində Çexiya yığmasını qəbul edəcək.

    Bakı Olimpiya Stadionunda baş tutacaq görüş milli üçün xüsusi önəm daşıyır. Kapitan Rəşad Sadıqovun sonuncu dəfə yığmanın formasını geyinəcəyi oyunda əldə ediləcək qələbənin əhəmiyyəti böyükdür. Rəqibi üstələmək rekord sayda - 13 xalın əldə edilməsi və ilk dəfə 3-cü yeri tutmağa iddianı davam etdirmək anlamına gəlir.

    R.Prosineçkinin komandası qalib gələcəyi təqdirdə, Çexiya kollektivini 3-cü yer uğrunda mübarizədən kənarlaşdıracaq. Lakin şəxsi görüşlərdə Azərbaycan millisindən üstün olan 7 xala malik Norveç yığması da tsikli 3-cü sırada başa vurmaq əzmindədir. Oktyabrın 5-də San-Marinonun qonağı olacaq skandinaviyalılar, daha sonra Şimali İrlandiyanı qəbul edəcəklər.

    Bakıdakı görüş bu kollektivlərin üçüncü dueli olacaq. Azərbaycan millisi ilk dəfə 2009-cu ildə Birləşmiş Ərəb Əmirliklərində baş tutan turnirdə üz-üzə gəldiyi rəqibini 2:0 hesabı ilə məğlub edib. Ötən il cari tsiklində Çexiyada keçirilən matçda isə qolsuz heç-heçə qeydə alınıb.
    Qeyd edək ki, Azərbaycan millisi 2018-ci il dünya çempionatının seçmə mərhələsində sonuncu oyununu oktyabrın 8-də səfərdə Almaniya kollektivinə qarşı keçirəcək.

    2018-ci il dünya çempionatının seçmə mərhələsi

    IX tur
    5 oktyabr

    20:00. Azərbaycan - Çexiya
    Baş hakim: Benua Miyo
    Baş hakimin köməkçiləri: Julian Paçelli, Bertran Juanno
    Dördüncü hakim: Frank Şneder
    (Hakimlər Fransadandır)
    Hakim-inspektor: Are Habixt (Estoniya)
    Komissar: Romano Klavadetşer (İsveçrə)

    Bakı Olimpiya Stadionu


    www.AzadMedia.az

    Mətndə səhv var? Onu siçanla seçin və Ctrl+Enter düyməsini basın.
    OXŞAR XƏBƏRLƏR

    Köşə
    XƏBƏR LENTİ
    BÜTÜN XƏBƏRLƏR